दयालदास ल ईवीएम के  पूजा पड़ीस महंगा…… चुनाव आयोग ह भेजिस नोटिस

रायपुर। नवागढ़ विधानसभा सीट ले भारतीय जनता पार्टी के प्रत्यासी दयाल दास बघेल ल मतदान ले पहिली  ईवीएम के अगरबत्ती जला के पूजा करना अउ नारियल फोड़ना महंगा पड़ गिस। ए मामला म  निरवाचन आयोग ह उमन ल नोटिस जारी कर दिस हे।

नवागढ़ विधानसभा ले बीजेपी प्रत्यासी दयाल दास बघेल ह अपन गृह ग्राम कुंरा म अपन परिवार के संग मतदान करिस हे। एखर पहिली उमन ह ईवीएम के अगरबत्ती जला के पूजा-अरचना करिन अउ नारियल फोड़िस हे। बघेल के संग उंखर पत्नि कमला बघेल अउ बेटी अंजू बघेल घलो मवजूद रहिन हे। पोलिंग बूथ म अगरबत्ती अउ नारियल ले ईवीएम के पूजा पाठ करे म अब निरवाचन आयोग ह उमन ल नोटिस जारी कर के जवाब मांगिस हे।