दर्दनाक हादसा म पत्नी के मौउत, पति गंभीर रूप ले घायल

रायपुर। महासमुंद म बुधवार के सड़क​ हादसा म एक महिला के मौत होगे। महिला अपने पति के संग बाइक म जावत रहिस हे । इही दौरान अनियंत्रित ट्रैक्टर ह टक्कर मार दिस। टक्कर अतका जोरदार रहिस हे कि महिला के मौउका म मौत होगे। जबकि घायल पति ल इलाज बर रायपुर म भर्ती कराए गेहे।
मिली जानकारी के मुताबिक महासमुंद जिला के पिथौरा थाना क्षेत्र के सिघुपाली म हादसा हेगे। एनएच-53 म बाइक सवार दंपत्ति जा रहिस हे। तभी तेज रफ्तार ट्रैक्टर ह बाइक ल पीछे से टक्कर मार दीस। हादसा म ट्रैक्टर अनियंत्रित होकर खेत म जा गिरीस। जबकि बाइक सवार दंपति ह कुछ दूर तक घसीटाते रिहिस। हादसा म घायल पति के प्राथमिक उपचार के बाद रायपुर के अस्पताल म रेफर कर दे गेहे। पिथौरा पुलिस ह मामला दर्ज कर लिस हे।