धान ले भरे ट्रेक्टर अउ मोटर सायकल के जबरदस्त टक्कर….. दू लोगन के मउका म मउत

संजू गुप्ता,कवर्धा। पण्डरिया थाना अंतर्गत ग्राम मोहतरा म आज बिहनिया  धान ले भरे ट्रेक्टर व मोटर सायकल के जबरदस्त टक्कर हो गिस। जेखर ले मोटर साइकल म सवार दू लोगन के मउका म ही मउत होगिस।  घटना लगभग साढ़े आठ बजे के हे।  सव मन ल पुलिस  ह पोस्टमार्टम बर भेज दिस हे।  पुलिस जांच म जुट गेह।

बता देन के पण्डरिया थाना प्रभारी भरत बरेठ ले मिले जानकारी  म धान ले भरे ट्रेक्टर मोह्तरा  कोती ले  पण्डरिया आवत रहिस हे।  उहें मोटर सायकल म सवार दू लोगन पण्डरिया ले डोमनपुर के ओर डीजल लेके जात रहिस हे।

मोटर सायकल ह ट्रेक्टर म जाके टकरा गिस। टक्कर अतना जबरदस्त  रहिस  हे के मोटर सायकल म सवार दूनों  लोगन के मउत घटना स्थल म हो गिस। उहें ट्रेक्टर ड्राइवर ह घटना के तुरंत बाद ट्रेक्टर ल छोड़के फरार हो गिस हे।  दूनों  मृतक मन , ड्राइवर अउ ट्रेक्टर मालिक के पहचान नइ हो पाइस हे।  सव मन ल  पुलिस ह पोस्टमार्टम बर भेज दिस हे । पुलिस जांच म जुट गेहे।