नक्सली मन कहिन के —साल भर म 65 साथी मन ल खोए हन

सुकमा । नक्सली मन  के दक्षिन सब जोनल कमेटी के सचिव गणेश उइके ह प्रेस विज्ञप्ति जारी कर मानिस हे पाछु  के एक साल म सुरक्षाबल मन संग होए मुठभेड़ म 65 नक्सली मारे गिस हे।   एती बस्तर डीआईजी रतन लाल डांगी ह दावा करिन के  पाछू के एक साल म देश के अलग-अलग इलाका म 300 ले जादा नक्सली मारे गिस  हे।  गणेश उइके  ह जारी विज्ञप्ति म केवल दक्षिन सब जोनल कमेटी के अंतर्गत होए मुठभेड़ मन के जानकारी दीस हे, जेमा सुकमा, बीजापुर  अउ दंतेवाड़ा जिला ही आथे।

सुकमा एसपी अभिषेक मीणा ह कहे के  ए विज्ञप्ति 26 नवम्बर  के जारी करे गिस हे।  उंखर बाद  घलोक कई नक्सला मन ल  पुलिस ह ढेर करिस हे।  ए विज्ञप्ति म नक्सली मन के  टॉप लीडर मन म से एक अरविंद के मउत के खुलासा घलो करे गिस  हे। । अरविंद नक्सली मन के सेंट्रल कमेटी अउ पोलित ब्यूरो के सदस्य रहिस  हे।