नवां सरकार के मंत्री मन के कामकाज के  समीक्षा करही पुनिया ह

रायपुर। लोकसभा चुनाव के तइयारी ल लेके कांग्रेस  के छत्तीसगढ़ प्रभारी पीएल पुनिया शुक्रवार ले तीन दिन तक छत्तीसगढ़  म रहही। ए दउरान प्रभारी पुनिया बइठक कर लोकसभा चुनाव के तइयारी ल लेके समीक्षा करही। उहें  नवां सरकार के मंत्री मन के कामकाज के घलो समीक्षा करही। ए दउरान पुनिया ले नवनियुक्त मंत्री मन, स्पीकर अउ प्रोटेम स्पीकर घलो मुलाकात करही।

कांग्रेस घोसना पत्र म करेगे वादा मन म  चरचा

कांग्रेस घोसना पत्र म करेगे  वादा मन ल पूरा करे बर  एक समय सीमा तय कर जाही। सबो मंत्री मन के हिस्सा म घोसना पत्र के अलग अलग विभाग आए हे। ए घोसना मन ल कइसे पूरा करना हे अउ कउन प्रक्रिया ल अपनान हे।  ये सबो के पूरी रिपोर्ट लेके उमन दिल्ली लटही। ए दउरान पुनिया, मुख्यमंत्री भूपेश बघेल अउ डॉ.चरण दास महंत ले मुलाकात कर कार्य मन के  जानकारी घलोक लिही।

लोकसभा चुनाव 2019 बर  अभीचे ले तइयारी

कुछु महीना म होवइया लोकसभा चुनाव 2019 बर पार्टी ह अभीचे ले तइयारी सुरू कर दीही। पुनिया पीसीसी के नेतामन ले चुनाव म जुटे के निरदेस घलोक दिही।  एखर अलावा 11 लोकसभा सीट बर  प्रत्याशी चयन के प्रक्रिया ल लेके घलोक  चरता होही। हालांकि विधानसभा के तरह ही लोकसभा चुनाव म प्रत्याशी चयन के बता कहे जात हे।