नवां सरकार….. कैप्टन बघेल के 11 प्लेयर तइयार……. एक के इंतजार

रायपुर। छत्तीसगढ़ म मुख्यमंत्री भूपेश बघेल ह मंगलवार को अपन मंत्रिमंडल के विस्तार करिस हे। राज्यपाल आनंदीबेन पटेल ह मंगलवार के 9 मंत्री मन ल सपथ दिलाइस। राज्य म होए विधानसभा चुनाव म जीत के बाद कांग्रेस के सरकार बने म मुख्यमंत्री दू मंत्री मन सपथ लीए रहिस हे।

मुख्यमंत्री भूपेश बघेल के संग मंत्री टीएस सिंहदेव अउ ताम्रध्वज साहू ह सपथ लेय रहिस हे। मंगलवार के डॉ. प्रेमसाय सिंह टेकाम, कवासी लखमा, रवींद्र चौबे, मोहम्मद अकबर, शिवकुमार डहरिया, अनिला भेड़िया, जय सिंह अग्रवाल, गुरु रुद्र कुमार अउ उमेश पटेल ह सपथ लीस.

ये हवय  भूपेश बघेल के टीम

टीएस सिंहदेव, ताम्रध्वज साहू, प्रेमसाय सिंह टेकाम, कवासी लखमा, रविन्द्र चौबे, मोहम्मद अकबर, शिवकुमार डहरिया, अनिला भेड़िया, जय सिंह अग्रवाल, गुरु रुद्र कुमार अउ उमेश पटेल ये हवय टीम भूपेश। 11 प्लेयर्स के संग ए टीम के कैप्टन हे मुख्यमंत्री भूपेश बघेल। छत्तीसगढ़ के पिच म ए टीम बैटिंग करे बर तइयार हवय।

दुर्ग संभाग ले भूपेस समेत 6 मंत्री

तीन बार ल डॉक्टर साहब के टीम के चेहरा आपमन ल रट गे होंही। लेकिन अब आपमन केआघू नवां टीम तइयार हे। जे आघू के 5 साल राज्य के विभिन्न क्षेत्र मन के जुम्मेदारी संभाल ही। ए टीम म दुर्ग संभाग ले चुनके आवइया सीएम भूपेश बघेल के दबदबा दिखत हवय। दुर्ग संभाग ले छह विधायक ल मंत्रिमंडल म जगा मिले हे।

एक पद खाली

रायपुर ले एक, बिलासपुर ले दू, दुर्ग ले पांच, सरगुजा ले दू अउ बस्तर ले एक मंत्री टीम भूपेश म हवय। हालांकि ऐलान के संग ही नाराजगी घलो वरिष्ठ मन के  देखे बर मिलस हे ।लेकिन मुखिया के कहिना ह के सबल मैनेज कर लेंबे। बतात चलन के एक पद बाकी हे, रेस म जोर लगाए बर कोनो पाछू नइ रहही।