परिणाम…  जश्न मनाए बर राजनीतिक दल मन ह करे ए तइयारी

रायपुर। प्रदेस म 24 घंटे बाद तक तकरीबन ये तय होवत नजर आही के अब के बार काला मिली हार, काखर  हिस्सा म आही जीत अउ कउन बनाही सरकार। मगर एखर पहिले हमार तमाम  विधायक परत्यासी मन बर  बेचेन हवय। कांग्रेस अउ भारतीय जनता पार्टी ह जीत बर पूरी तरह ले आश्वस्त हे। एखर सेती के दूनों के दफ्तर मनम  जीत के बाज जश्न के तइयारी करे जात हे।

भाजपा अउ कांग्रेस के दफ्तर मन ले जे खबर आवत हे, वो बेहद दिलचस्प हवय। कांग्रेस के सूत्र कहिथे के राजधानी के तेलीबांधा स्थित एक होटल मालिक ल  बड़ पइमाना म मिठाई के ऑर्डर  देय गेहे। संचालक  मिठाइयां बना डारे है।  उहें भारतीय जनता पार्टी म एक्साइटमेंट थोड़कन कम हे, मगर इहां घलो हार, माला बुके अउ मिठाई वगइरह के इंतजाम देखइया मन ल काम म लगा दे गेहे।

11 दिसंबर के प्रदेस के सबो विधानसभा मन म इलेक्ट्रानिक वोटिंग मशीन म बंद वोट मन के गिनती होही जानकारी के मुताबिक जीतइया  प्रत्याशी मन ल दूनों ही दल ह  राजधानी पहुंचे बर कहे।  स्थानीय स्तर  म कोनो तरह के जुलूस  निकले बर  मना करे गेहे।