पीसीसी चीफ ह दीस सरकार ल चेतावनी….

नरेंद्र मोदी के करबो छत्तीसगढ़ के धरती म जोरदार स्वागत
रायपुर। बिलासपुर म कांग्रेसी मन ऊपर होय लाठीचार्ज के मुद्दा गरमाता जावत हे। राज्यभर म येल लेके प्रदर्शन करे गिस हे। प्रदेश के अलग-अलग शहर मन म बुधवार के पार्टी के कार्यकर्ता मन ह सरकार अउ सीएम के पुतला ल फूंकीस हे। लाठीचार्ज मामला म पीसीसी चीफ घलो खुलके आघू आगे हे। ये मामला म भूपेश बघेल ह अपन ट्वीटर एकाउंट म लिखत हुए कहिन के रमन सरकार तानाशाह सरकार हे।
उमन ह कहिन के 20 सितंबर तक यानि 24 घंटा म दोषी अफसर मन ऊपर कार्रवाई नइ हो ही त प्रधानमंत्री नरेंद्र मोदी के 22 सितंबर के छत्तीसगढ़ के धरती म जोरदार स्वागत करे जाही। येखर ले साफ होवत हे के कांग्रेस पीएम के दउरा के दउरान कुछु अइसे करे जाही, जेकर ले सीएम अउ रमन सरकार के छवि खराब करे जा सकय। ट्वीटर एकाउंट म ये तरह लिखके एक तरह ले पीसीसी चीफ ह सरकार ल चेतावनी दीस हे।