पुलिस के दामन म लगिस एक अउ दाग

महासमुंद जिला के बलौदा चौकी प्रभारी के ऑडियो वायरल

मनीष सरवैया…..महासमुंद। पुलिस के दामन म एक अउ दाग लगे के सनसनी खेज मामला उजागर होइस हे। आडियो के वायरल होय के बाद एसपी ह बलौदा चौकी प्रभारी ल निलंबित कर दिस हे।

महासमुंद जिला के बलौदा चउकी प्रभारी समीर डुमडुम ह एक केस ल रफा-दफा करे बर एक नइ, दू नइ, बल्कि 5 लाख रूपिया के मांग करिन। ए सब ठीक हे, लेकिन  चउकी प्रभारी ह रकम नइ मिले म धमकी घलोक देय डारिय उमन कहिन के अइसे धंधा करइया मन उपर दया करे वाले बात नइए। कोनो ह एखर आडियो बनिस अउ  वायरल कर दिस।  एखर वायरल होय म  विभाग म हड़कंप मचा हुए हे।

120 म  25 पेटी गायब

गाड़ी म सवार लोग के कहिना हे के गाड़ी म 120 पेटी दवाई रहिस हे। लेकिन पुलिस ह 95 पेटी के जब्ती बतात हवय। फेर 25 पेटी कहां गायब होगिस,  अइसन म पुलिस के कार्यप्रणाली  म उंगली उठे लगिस हे।

 ए हे  मामला

30 दिसंबर 2018 के बड़े गाड़ी  म भरके नशीली दवाई आवत रहिस हे, तभे बलौदा क्षेत्र म गाड़ी  ल रोके गिस अउ गाड़ी म चार लोगन सवार रहिन हे। गाड़ी ले 95 नग कार्टून ले भरे नशीली दवाई मिलिस, जे ह  कफ सिरप रहिस हे। पुलिस  ह गाड़ी अउ माल  ल  जब्त कर लिस।

समीर डुमडुम लाईन अटैच

बलौदा थाना के प्रभारी समीर डुमडुम ह सेटिंग  बर मांगिस 5 लाख रुपिया। फोन म बातचीत के ऑडियो वायरल होत ही महासमुंद पुलिस अधीक्षक संतोष सिंह  ह समीर डुमडुम ल सस्पेंड कर लाईन अटैच कर देय हे।