प्रधानमंत्री ल चोर कहइया मन साबित होवत हे असली चोर

राहुल गांधी अउ सोनिया गांधी उपर जमके हमला बोलिस धरमलाल कौशिक ह

रायपुर।  भाजपा के प्रदेस अध्यक्ष धरमलाल कौशिक ह कांग्रेस सासन के घोटालों उपर आरोपों के बउछार लगात हुए पार्टी के राष्ट्रीय अध्यक्ष राहुल गांधी अउ पूर्व राष्ट्रीय अध्यक्ष सोनिया गांधी उपर जमके हमला बोलिस हे।

धरमलाल कौशिक ह राजधानी के एकात्म परिसर स्थित भाजपा प्रदेस कार्यालय म ए बछर के अंतिम प्रेस कांफ्रेंस म पत्रकार मन ले मुखातिब होत हुए कहिन के प्रधानमंत्री नरेंद्र मोदी ल चोर कहइया गांधी परिवार ही असली चोर साबित होवत हे।

राहुल गांधी ह आघू आवय अउ मिशेल के गांधी अउ आर उपर स्थिति स्पष्ट करय। उमन कहिन के सब जानत हवय के हर तरह के रक्षा घोटाला म कांग्रेस के संलिप्तता कोनो नवां  बात नइए। बात चाहे नेहरू जी के ज़माना के जीप घोटाला के हो या फेर बोफोर्स अउ फेर हाल म आगू आए अगस्ता घोटाले के।

हर मामला म कांग्रेस उपर दलाली के गंभीर आरोप लगत हे अउ सबो मामला म कहीं न कहीं सारा साक्ष्य कांग्रेस के खिलाफ चिल्ला चिल्ला के ए कहत हे के उंखर पूरा दाल ह करिया हवय। अभु अगस्ता घोटाला म मोदी सरकार ह ए बिचउलिया मिशेल ल प्रत्यर्पित कर भारत लाए म सफलता पाइस हे।

पूर्व यूपीए सरकार के फेहरिस्त म जूड़े एक अउ नवां नाम जुड़िस

कौशिक ह ए कहिन के भाजपानीत केंद्र सरकार के एक बड़े सफलता हे। मिशेल अब जे तरह के खुलासा लगातार करत हे। ओखर ले भाजपा के लगाए सबो आरोप सिद्ध होवत हे।   इडी ए मामला के जांच करत हे।

अइसे- अइसे तथ्य आघू आवत हे। जेखर ले पूर्व यूपीए सरकार के करेगे घोटाला के  फेहरिस्त म एक अउ नवां नाम जुड़ गेहे। मिशेल ह जे मिसेज़ गांधी के नाम लिस हे, वो कउन हे, आपमन ल ए बताए के ज़रुरत त हे नइ।

इहीं तरह भविष्य म कथित तउर म प्रधानमंत्री होवइया कांग्रेस के R ल घलो आप सब जानत हव। प्रधानमंत्री ल चोर कहइया ही असली चोर साबित होवत हे।  राहुल गांधी आघू आवय अउ  मिशेल के गांधी अउ आर उपर स्थिति स्पष्ट करय।

अगस्ता सौदा म 360 करोड़ के रिश्वत के बात आघू आए हे। इटली के अदालत ह घलो साफ-साफ़ मानिस  हेके भारतीय नेता मन ल 15 मिलियन डॉलर के रिश्वत दे गेय रहिस हे। कोर्ट ह साफ़-साफ़ ए बात के तरफ इसारा करिस हे के सोनिया गांधी ए सौदा म अहम भूमिका निभाय  रहिस हे।