पेंड्रा-मनेन्द्रगढ़ ल जिला बना के मांग करिस अजीत जोगी ह ..भूपेश ले करिन मुलाकात

बिलासपुर। जनता कांग्रेस छत्तीसगढ़ (जोगी) सुप्रीमो अजीत जोगी ह मुख्यमंत्री भूपेश बघेल ले मुलाकात करिन। मुलाकात के दउरान धरमजीत सिंह, कोटा विधायक रेणु जोगी अउ अमित जोगी मवजूद रहिन। सरकार बने के बाद ये दूनों नेता मन के पहिली मीटिंग रहिस हे।

अजीत जोगी ह 2019 लोकसभा चुनाव म कांग्रेस ले गठबंधन के संभावना ले इनकार करिन हे।  जोगी ह कहिन के हमार गठबंधन पहिली ले ही बहुजन समाज पार्टी ल हे। जोगी ह कहिन के भूपेश बघेल के संग ए सिरिफ उंखर सिष्टाचार मुलाकात हवय।

एखर आलावा उमन  सीएम ले पेंड्रा-मनेन्द्रगढ़ ल जिला बनाए के मांग करे के बात कहिन।  एखर बर  उमन सीएम ल ज्ञापन सउपिन। भूपेश बघेल अउ अजीत जोगी के रिश्ता ह सुरू ले मधुर नइ रहिस हे। विधानसभा चुनाव म घलोक  भूपेश बघेल जोगी ल बीजेपी अउ रमन सिंह के बी टीम कहत रहिन अउ इहां तक के मइदान म ही माने ले इनकार कर देय रहिस हे।