बापू के छत्तीसगढ़ यात्रा ले संबंधित छायाचित्र के तीन दिवसीय प्रदरसनी राजभवन म

रायपुर । राष्ट्रपिता महात्मा गांधी के 150वीं जयंती के अवसर म 2 ले 4 अक्टूबर तक राजभवन म छायाचित्र प्रदरसनी के आयोजन करे जाही। आम लोगन ह येखर अवलोकन कर सकत हे। ये अवसर म राजभवन म कई कारयक्रम मन के आयोजन करे जाही।
कारयक्रम म गांधी जी के जीवन दरसन म आधारित छायाचित्र प्रदरसनी लगय जाही। प्रदरसनी म छात्र-छात्रा मन अउ आम नागरिक घलो आ सकत हे। येमा बापू के छत्तीसगढ़ यात्रा ले संबंधित छायाचित्र, गांधी साहित्य अउ उंखर लिखे हुये पत्र के फोटोकॉपी प्रदरसित करे जाही।
2 अक्टूबर के आयोजित इस प्रदरसनी म राजभवन के कॉन्फ्रेंस हॉल म गांधी विचार अउ दरसन म आधारित सेमिनार के घलो आयोजन करे गेहे। प्रदरसनी म छत्तीसगढ़ खादी अउ ग्राम उद्योग बोरड के ओर ले चरखा, खादी के कपड़ा मन के प्रदरसन करे जाही। ये अवसर म महात्मा गांधी के जीवन पर आधारित डाक्यूमेंट्री घलो दिखाय जाही।
ये आयोजन म छायाचित्र प्रदरसनी कुशाभाऊ ठाकरे पत्रकारिता अउ जनसंचार विश्वविद्यालय व जनसंपरक वेभाग के ओर ले आयोजित करे जाही, उहें संगोष्ठी के आयोजन पं. रविशंकर शुक्ल विश्वविद्यालय के ओर ले करे जाही। येखर संग ही स्वच्छता प्रदरसनी के आयोजन कर राजभवन परिसर म स्वच्छता अभियान चलाय जाही। येमा राजभवन के अधिकारी-करमचारी मन स्वच्छता ले जुड़े काम करही।