भाजपा के पलटवार…..पहिली जेल जाय के नौटंकी अउ अब बेल के याचना…. ये कांग्रेस के मूल चरित्र हे

आरोपी के बेयान ल क्लीन चिट समझना हास्यापद हे : धरमलाल कौशिक
रायपुर। भारतीय जनता पार्टी ह अश्लील सीडी कांड म फंसे एक आरोपी के बेयान म कांग्रेस के प्रतिक्रिया ल कांग्रेस के मूल चरित्र करार दिस हे। बीजेपी अध्यक्छ धरमलाल कौशिक ह कहिन के कांग्रेस के मूल चरित्र न्यायपालिका अउ संवैधानिक संस्था मन के अपमान अउ चीरहरन के चरित्र हे। येही बजह हे के कांग्रेस पार्टी के शीरस नेता ले लेके छोटे कार्यकर्ता तक बेवस्था के चीरहरन म लगे रहिथे। बीजेपी अध्यक्छ ह अश्लील सीडी काण्ड म फंसें एक आरोपी के बयान ल एक मंत्री के चरित्र हत्या के साजिस रचइया कांग्रेस अध्यक्छ भूपेश बघेल बर क्लीनचीट समझले हास्यापद करार दिस हे। बीजेपी अध्यक्छ के कहिना हे के कांग्रेस पार्टी नेतृत्व के जे संकट के दउर ले गुजरत हे, अइसे स्थिति म कांग्रेस पार्टी ले अउ का अपेक्छा करे जा सकत हे। बीजेपी अध्यक्छ ह कांग्रेस नेतृत्व अउ प्रदेस प्रभारी पीएल पुनिया ले पूछिस के छा है कि वे स्पष्ट करें कि कांग्रेस पार्टी ल न्यायपालिका म भरोसा हे या अश्लील सीडी काण्ड म फंसें अइसे आरोपी के क्लीनचीट म। जेला भाजपा ह पहिली ही पार्टी ले निकाल दिस हे। भाजपा अध्यक्छ कहिन के पूरा मामला के जांच कर देश के सर्वाधिक प्रतिस्ठित संस्था सीबीआई ह कांग्रेस अध्यक्छ भूपेश बघेल ल अश्लील सीडी कांड के साजिशकरता मानत हुए चारजसीट म आरोपी बनाये हे लेकिन कांग्रेस पार्टी इही बात ले खुस होवत हे के ओला एक आरोपी क्लीनचीट देवत हे।