भाजपा सरकार के जमके तारीफ करिस हेमा मालिनी ह

बसना। सिने स्टार अउ भाजपा सांसद हेमामालिनी ह गुरूवार के छत्तीसगढ़ म धुंआधार प्रचार करिस हे। बसना म हेमामालिनी ह चुनाव प्रचार करत हुये भाजपा सरकार के जमके तारीफ करिस। हेमा मालिनी ह चउथी बार रमन सिंह ल मुख्यमंत्री बनाय बर जनता ले अपील करिन। हेमा मालिनी ह कहिन के भाजपा सरकार ह जितना विकास करिस हे, ओतना करे के कांग्रेस कभउ सोच घलो नइ सकय। भाजपा प्रत्याशी डीसी पटेल ल उपयुक्त उम्मीदवार बतात हुए हेमामालिनी ह सबो ले सहयोग के अपील करिस हे. अउ भाजपा प्रत्यासी के समरथन म वोट मांगिस हे। हेमा मालिनी हकहिन के आज नरेंद्र मोदी अउ रमन सिंह के जनकल्याणकारी योजना मन ले जनता ल सोझे लाभ मिलत हे। गांव-गरीब के चिंता करइया सिरिफ प्रदेस के भाजपा सरकार हे। चाहे उज्जवला योजना के बात हो या फेर आवास योजना के। भाजपा सरकार ह हमेसा ले गरीबमन के फिकर करिस हे। उमन कहिन के भाजपा के प्रति लोगन के विस्वास अउ बढ़ीस हे। अउ भाजपा के सरकार चउथी बार प्रदेस म बनना तय हो गेहे