भाजपा सरकार के खेलाफ जमके हमला बोलिस राहुल गांधी ह
कवर्धा। किसान मन के जमीन उमन ले बिना पूछे ही सरकार अउ उद्योगपति लेवत हे । जमीन ल सरकार ह उद्योग के नाम म गरीब मन ले छीन जात हे। कवर्धा म आयोजित कांग्रेस के आमसभा म राष्ट्रीय अध्यक्छ राहुल गांधी ह मुख्यमंत्री डॉ.रमन सिंह के गृह जिला म सरकार के खेलाफ जमके हमला बोलिस।
गांधी ह कहिन के जमीन ल सरकार ह उद्योग के नाम म गरीब मन ले छिन लेवत हे, लेकिन जब उद्योग नइ लगय, तव ओला वापिस नइ करत हे । राहुल ह ये दउरान जमीन अधिग्रहन कानून 2003 के जिक्र करिन। उमन कहिन के उंखर सरकार ह जमीन अधिग्रहन कानून लाय रहिस हे, जेमा बिना पूछे गरीब मन के जमीन नइ लिये जा सकत रहिस हे। ये जमीन ल चार गुना कीमत चुका के जमीन ले जा सकत हे। अइसने उद्योग मन बर घलो रहिस हे। अगर कोनो उद्योगपति ह कोनो प्रोजेक्ट बर जमीन लीही अउ वो प्रोजेक्ट पांच साल के भीतर म तइयार नइ होइस त, जमीन म लगे प्रोजेक्ट के फायदा उहां के जनता अउ प्रदेस ल नइ होवय त ये जमीन वापिस किसान के हाथ म चले जाही। लेकिन पार्लियामेंट म तीन बार ये बिल ल रोके के कोसिस करत करे गिस । कांग्रेस के कोसिस के बावजूद छत्तीसगढ़ , राजस्थान अउ मध्यप्रदेस म ये बिल लागू नइ करे गिस। अउ इहां किसान मन के जमीन उंखर ले बिना पूछे ही सरकार अउ उद्योगपति लेवत हे।
छत्तीसगढ म हमार सरकार आही तव सबले पहिली जमीन अधिग्रहन बिल हम छत्तीसगढ म लागू करबो। राहुल ह भाजपा सरकार उपर आरोप लगाइस के किसान मन के एक रूपिया घलो माफ नइ करे गेहे , सिरिफ उद्योगति मन के करजा ल माफ करे गेहे। छत्तीसगढ़ म हमार सरकार आही। तव सबले पहिली किसान मन के करजा माफ करे जाही। दो बछर के बोनस किसान ल नइ देय गेहे वो लो तो हमार सरकार बनत ही सबले पहिली ले दू बछर के बोनस आप मन ल देय जाही। जेला छत्तीसगढ म बीजेपी ह नइ देय हे।
उहे भूपेश बघेल ह कहिन के आदिवासी मन के जमीन छीने जात हे, बेरोजगार के नौकरी छीने जात हे, चिटफंड के सहारा ले हमर जनता मन के पइसा ला छीनत हे, ये बार सरकार बदले के काम करना हे। कहिथे न अगर रोटी ला नइ पलट बे ता रोटी हा तावा म जर जाथे। ऐखर सेती ये बार परिवरतन करना हे अउ ये दरी कांग्रेस के सरकार बनाना हे।
Other Articles
