भूपेश बघेल ह गिरीश कर्नाड के निधन म गहरा शोक व्यक्त करिन

रायपुर-छत्तीसगढ़ के मुख्यमंत्री भूपेश बघेल ह देश के  सुप्रसिद्ध फिल्म अभिनेता, नाटककार, लेखक अउ रंगकर्मी गिरीश कर्नाड के निधन म गहरा शोक व्यक्त करिन। वोमन किहिन कि गिरीश कर्नाड के निधन के समाचार सुनके बड़ दुख होइन। पद्मश्री, पद्मभूषण अउ ज्ञानपीठ पुरस्कार ले नवाजे गे गिरीश कर्नाड ल साहित्य, रंगकर्म अउ रंगमंच खातिर दे गे योगदान ल हमेशा सुरता करे जाही। बघेल ह शोक संतप्त परिवार खातिर संवेदना व्यक्त करे हे अउ ईश्वर ले उंकर आत्मा ल शांति प्रदान करे के प्रार्थना करे हे।