भैंसामुड़ा म सीएम ह महिला पटवारी के प्रशंसा करत बजवाइस ताली

कोरबा। करतला विकासखंड के ग्राम भैंसामुड़ा म आयोजित लोक सुराज अभियान के समाधान शिविर म मुख्यमंत्री डॉ. रमन सिंह के उडऩखटोला उतरिस। जिहां उम्मन ह प्राप्त आवेदन मन के समस्या निराकरण के जायजा लिस। शिविर म जमीन ले जुड़े मामला म सीएम ह ग्रामीण मन ले महिला पटवारी के कारय मन के जानकारी लिस। सीएम ह पूछिस कि पटवारी पैइसा तो नइ मांगय। ग्रामीण मन कहिन कि नइ मांगय, अच्छा काम करत हे। तब सीएम ह महिला पटवारी के प्रशंसा करत हुए ओखर बर ताली बजवाईस। दरअसल लोक सुराज अभियान 2018 के तीसरइया चरण म मुख्यमंत्री डॉ. रमन सिंह प्रदेश के अलग-अलग जिला मन के शिविर म सीधा पहुंचत हे। अउ अचानक कोनो गांव म भी जाके उहां के ग्रामीण मन ले रूबरू होवत हे।