पंजीकृत मजदूर मन ल पांच रूपिया म भरपेट भोजन

रायपुर । लोक सुराज अभियान 2018 के तहत मुख्यमंत्री डॉ. रमन सिंह ह जांजगीर के कलेक्टोरेट सभाकक्ष म जांजगीर-चांपा अउ कोरबा जिला के विकास कारय मन के समीक्षा करिस हे। मुख्यमंत्री ह कहिस कि दूनों जिला म दीनदयाल अन्न योजना ह एक अपै्रल ले शुरू होही ये योजना म पंजीकृत मजदूर मन ल केवल पांच रूपिया म भरपेट भोजन दे जाही। श्रमिक चाहे तो टिफिन म भोजन ले जा सकत हे। मुख्यमंत्री ह कहिन कि ये दूनों जिला म मजदूर मन के संख्या ज्यादा हवय। अउ ये योजना के संचलित होय ले उम्मन ल फायदा िमलही। मुख्यमंत्री ह विशेष शिविर लगाके जादा ले जादा मजदूर मन के पंजीयन करे के निर्देश दिस हे। बैठक म लोकसभा सांसद कमला देवी पाटले, संसदीय सचिव अंबेश जांगड़े, मुख्य सचिव अजय सिंह, अपर मुख्य सचिव सीके खेतान, बिलासपुर संभाग के कमिश्नर टीसी महावर, पुलिस महानिरीक्षक दीपांशु काबरा, जांजगीर-चांपा कलेक्टर डॉ. एस. भारतीदासन, कोरबा कलेक्टर मोहम्मद अब्दुल केसर हक सहित सभी संबंधित अधिकारी उपस्थित रहिस हे।