मंत्री मन ह होंही निगम-मंडल के अध्यक्ष …संविदा कर्मी मन के कार्यों के आंकलन

रायपुर। भूपेश बघेल सरकार  ह फइसला लेवत हुए तय करे हे के अब भारसाधक मंत्री ह संबंधित निगम, मंडल मन के अध्यक्ष होंही।  कांग्रेस ह सरकार बनत ही पाछू के सरकार ले नियुक्त सबो निगम, मंडल, आयोग मन के अध्यक्ष हटा देय गेहे। तब ले संबंधित निगम, मंडल मन के सचिव ह अध्यक्ष के जुम्मेदारी निभात रहिन हे। लेकिन आज सामान्य प्रशासन विभाग ह मंत्रालय ले ए आसय  आदेस जारी कर दे हे के अब ले संबंधित विभाग के मंत्री ह उहीं  निगम, मंडल के अध्यक्ष होंहीष। हालांकि एमा संवैधानिक आयोग अउ विधि ले स्थापित,  जेमा अध्यक्ष,उपाध्यक्ष के नियुक्ति अधिनियम के परिप्रेक्ष्य म चयन प्रक्रिया के अनुसार करे गेहे।  उमन  ल छोड़ देय गेहे।

गइरजरूरी संविदाकर्मी मन के होही छुट्टी

एती सामान्य प्रसासन विभाग ले एक आदेस जारी  करे गे हे के, सबो निगम, मंडल, आयोग मन म संविदाकर्मी मन के कार्य के आकलन कर जाही अउ जे गइरजरूरी हे, उंखर सेवा समाप्ति के प्रक्रिया पूरा करे जाए। लेकिन जिहां अइसे संविदाकर्मी मन के जरूरत हे, उहां नियुक्ति के प्रक्रिया  करे जाए।