महासमुंद …अधिकारी अउ कर्मचारी मन के लापरवाही के खामियाजा उठाना पड़त हे छात्रा मन ल

जिला म कई किमी पइदल चलके स्कूल आए बर  मजबूर हे

महासमुंद। जिला म अधिकारी मन अउ कर्मचारी मन के लापरवाही के खामियाजा छात्रा मन ल उठाना पड़त हे।  दूर-दराज के इलाका के  छात्रा मन बर  सरकार ह सरस्वती साइकिल योजना सुरू करे हवय। जेमा उमन स्कूल पहुंच के पढ़ाई कर सकय अउ अपन भविष्य सुनहरा  बना सकय।  लेकिन इहां ए योजना दम तोड़त नजर आवत हे।

सिक्षा सत्र  सुरू होए 7 महीना बीत चुके हे लेकिन जिला के हजारों छात्रा मन ल साइकिल नइ मिल पाइस हे। महासमुंद जिला म186 हायर सेकेण्डरी स्कूल हे।  सत्र 2018-19 म 8,432 छात्राएं 9वीं क्लास म पढ़ाई करत हवय। एमा शासन के योजना के तहत मिलइया साइकिल नइ  मुहइया हो पाए हे।

पइदल चलके या लिफ्ट लेके आथे  छात्रा मन

छात्रामन कहिन के, उमन  दूर ले स्कूल पढ़े बर आथन। अउ कतको 4 ले 5 किलोमीटर दूर गांव ले पइदल चलके या लिफ्ट लेके आवत हे।  छात्रा मन के  कहिना हे के बरसात म बहुत तकलीफ होथे।  छात्रा न ह बताइस के उमन एखर  सिकायत प्रिंसिपल ले कर चुके हे। उमन बताइन के कतको बार देर ले आए ले  उंखर क्लास घलो छूट जाथे हे।

जिला सिक्षा अधिकारी ह दीस आस्वासन

प्राचार्य  ह  बताइस के  उमन ह जिला सिक्षा अधिकारी ल  दू बेर सूचना भेज हे,  लेकिन उमन ल  अब तक साइकिल वितरन बर नइ मिले हे।  उहें  अफसर मन के कहिना  हे के आदेस हो चुके हे,  लेकिन विधानसभा चुनाव हो गे।  अउ चार संहिता लगगे। एखर  वजह ले अभु तक साइकिल नइ मिलिस हे।  जिला शिक्षा अधिकारी ह बताइस के अब वितरन करे जाही।