रायपुर। छत्तीसगढ़ के राजधानी म संचालित कोंपलवाणी संस्था म इलाज बर गे मानसिक रोगी ले रेप मामला म दंडाधिकारी जांच के निरदेस देय गेहे। समाज कल्यान विभाग ह दंडाधिकारी जांच के निरदेस दिस हे। मामला म अपर कलेक्टर स्तर के अधिकारी ले जांच करा के सात दिन के भीतर रिपोर्ट मांगे हे। एती मामला म बुधवार के आरोपी डॉक्टर ल गेरफ्तार कर लेय गिस हे।
रायपुर म मानवता ल सरमसार कर देवइया घटना बीते सोमवार के आघू आइस हे। मानसिक रोगी मन बर संचालित एक संस्था म युवती ले रेप के मामला के खुलासा होइस हे। पीड़ित मानसिक रोगी हवय अउ इलाज बर संस्था म गे रहि सहे। संस्था के डॉक्टर अशोक साहू उपर रेप करे के आरोप लगए रहिस। परिजन मन ह मामला के सिकायत सरस्वती नगर पुलिस थाना करे रहिस हे।
सरस्वती नगर पुलिस थाना म मामला दर्ज होय के बाद जांच सुरू कर देहे। आरोपी डॉक्टर सहित संस्था के अन्य लोगन ले पूछताछ करे गिस। एखर बाद आज आरोपी डॉ. अशोक साहू ल गेरफ्तार कर लेय गिस। एती संझा के समाज कल्याण विभाग ह मामला म दंडाधिकारी जांच के निरदेस दिए हे।
