ये वजह ले वाल्टेयर लाइन के कतको गाड़ी मन अक्टूबर माह रहही रद्द

रायपुर । ईस्ट कोस्ट रेलवे के संबलपुर मंडल म टिटलागढ़ रायपुर सेक्सन म दोहरीकरन अपग्रेडसन के कारन वाल्टेयर लाइन के कतको गाड़ी मन अक्टूबर माह म रद्द रहही। उहें बिलासपुर तिरूपति एक्सप्रेस, विशाखापट्टनम निजामुद्दीन, श्रीसाईं नगर शिरडी एक्सप्रेस ल रीसेशेड्यूल करे गेहे।
रायपुर रेल मंडल ले मिले जानकारी म18211 दुर्ग जगदलपुर एक्सप्रेस 2,4,7,9 अउ 11 अक्टूबर के रद्द रहही। 18212 जगदलपुर दुर्ग एक्सप्रेस 3,5,8,10,12 अक्टूबर के रद्द रहही । 58529 दुर्ग विशाखापट्टनम पैसेंजर 1 अक्टूबर ले 12 अक्टूबर तक रद्द रहही। 58530 विशाखापट्टनम दुर्ग पैसेंजर 30 सितंबर ले 11 अक्टूबर तक रद्द रहही। 58217/ 58218 टिटलागढ़ रायपुर टिटलागढ़ पैसेंजर 1 ले 12 अक्टूबर तक रद्द रहही। इही तरह 58207/ 58208 रायपुर-जूनागढ़ रोड रायपुर 1 अक्टूबर से 12 अक्टूबर तक रद्द रहही। 58528 विशाखापट्टनम रायपुर पैसेंजर 1 अक्टूबर ले 12 अक्टूबर तक टिटलागढ़ ले नियंत्रित होही। येला टिटलागढ़ ले वापिस विशाखापट्टनम बर रवाना करे जाही। 58528 / 58527 टिटलागढ़ रायपुर टिटलागढ़ के बीच ये ट्रेन के सेवा रद्द रहही।
–