लापता बेटा के तलास करत अब हार चुके हे परिवार ह

जांजगीर । बछर 2014 ले अपन लापता बेटाके तलास करता परिवार अब हार चुके हे। दरअसल चाम्पा जिला म रहइया एक परिवार के बेटा ह अमृतसर ले लापता हो गिस हे, जेखर नाम घनश्याम जाटवर हे। जेला ढूंढे बर 4 साल ले ओखर परिवार वाला मन दफ्तर मन के चक्कर काटत हे। युवक के पाकिस्तान जाय के घलो बीएसएफ ह परिवार वाला मन ले कहे हे। युवक के परिजन ह विदेश मंत्रालय म घलो येखर सिकायत करिस हे। संग ही स्थानीय जिला प्रसासन अउ एसपी ले घलो सिकायत करिस हे, लेकिन कउनो डहर ले कोनो
पहल नइ करिस।
विदेश मंत्रालय ले लेकर अमृतसर के बीएसपी फउजी कैम्प तक चक्कर परिजन मन ह काटे हे, लेकिन 2014 ले लापता युवक के कोनो खोजबीन नइ करे गिस। युवक घनश्याम के मां आस लगाय बइठे हे के ओखर बेटा वापिस जरूर आही। ये परिवार म दुख के पहाड़ टूटे हे, लेकिन विडम्बना हे के सिकायत के 4 साल बाद घलो कुछु नइ हो सकिस हे।