ये 35 सीट मन लड़ही ‘हाथी’ ह….जोगी ह करिस घोसना

रायपुर। जनता कांग्रेस छत्तीसगढ़ अउ बहुजन समाज पार्टी ह आगामी विधानसभा चुनाइ बर गठबंधन के ऐलान कर दिस हे। आज जेसीसीजे सुप्रीमो अजीत जोगी ह उन 35 सीट के ऐलान कर दिस। जेमा बसपा चुनाइ लड़ही।

छत्तीसगढ़ म जोगी के पार्टी 55 सीट मन म त बहुजन समाज पार्टी 35 सीट ले चुनाइ लड़ही। जोगी ह बसपा के पाले म गे 35 सीट मन के घोसना करिस। येमा 7 सीट ल एससी अउ एसटी ल करीबन 12 सीट दे गेहे। जांजगीर चांपा जिला के छह सीट बसपा ल देय गेहे। कल दूनों दल के बिलासपुर म बइठक होय रहिस हे, जेमा आज चरचा होइस हे। येखर बाद बसपा अपन प्रत्याशी मन के फइसला सुना सकत हे।