राज्यपाल आनंदीबेन ह दिस अभिभासन….. कहिन के …किसान मन के खुशहाली ले ही हो ही प्रदेस के विकास

रायपुर। छत्तीसगढ़ विधानसभा के सीतकालीन सत्र के दूसर दिन 7 जनवरी के राज्यपाल आनंदीबेन पटेल ह अभिभासन दिस।  सबले पहिली आजादी दिलाइया  वीर शहीद मन अउ महापुरुष मन ल याद करिस। उहें प्रदेस के झीरम नक्सली हमला म सहीद हुए जवान मन अउ दिवंगत नेता मन ल याद करिस। उमन कहिन के किसान मन के खुशहाली ले ही प्रदेस के विकास होही। कर्जमाफी के राशि किसान मन के खाता म भेजे गेहे। प्रदेस म टाटा  ह प्लांट नइ लगाइस। एखर स्थापना  बर  किसान मन ले गे जमीन वापिस  करे जाही।

मुख्यमंत्री भूपेश बघेल काली पहिली अनुपूरक बजट पेश करही। उहें आज मंत्रीगन सदन म अपना परिचय घलो दीन। बता देंन के 4 ले 11 जनवरी तक आयोजित विधानसभा के सीतकालीन सत्र म करीब 10 हजार करोड़ रुपिया के अनुपूरक बजट पास कराय जाही। एमा किसान मन के कर्जमाफी म आर्थिक भार के राशि सहित अन्य मद के राशि  सामिल होंही। एखर अलावा जनहित के अन्य मुद्दा म घलोक  चरचा करे जाही।

​