अतना जल्दी थूक के चाट ही कांग्रेस  ह सोचे नइ रहेव : संजय श्रीवास्तव

रायपुर। बिलासपुर म कांग्रेस सरकार के मंत्री मोहम्मद अकबर ह संसदीय सचिव बनाए जाए के घोसना म त्वरित प्रतिक्रिया व्यक्त करत हुए भाजपा प्रवक्ता संजय श्रीवास्तव  ह कहिन के ए त कांग्रेस सरकार के थूक के चाटे वाले बात हो गेहे।  उमन कहिन के सत्ता लोलुपता के सबो सीमा ल पार करइया कांग्रेस  ह विपक्ष म रहिके सत्ता के संचालन म भारतीय जनता पार्टी के प्रति विरोध के स्वर व्यवहारिकता  ले  परे रहिस हे। उंखर झूठ के पुलिंदा ह एक-एक कर के खुलत जात हे।

संजय श्रीवास्तव ह कहिन के सत्ता लोलुपता के दउड़ म संसदीय सचिव बनाए जाए के मामला म कांग्रेस ले कुछु अइसे कृत्य क आसंका रहिस हे, परन्तु अतना जल्दी थूके हुए ल चाट लेही के अंदेसा नइ रहिस हे। किसान, बेरोजगार, महिला, आम आदमी कोनो वर्ग ल ना छोड़इया कांग्रेस पार्टी के सरकार के रोज के निरनय एनकेन प्रकारेन सत्ता सुख  बर बंदरबांट के झलक देवत हे। ए विडंबना हवय के   जे  शख्स मोहम्मद अकबर  ह संसदीय सचिव नियुक्ति के मामला ल लेके  भाजपा सरकार के खेलाफ याचिका लगाईस रहिस हे, उहीं अब  संसदीय सचिव बनाए जाए के वकालत करत हवय।