कवर्धा। ज्योतिष्पीठाधीश्वर अउ द्वारका शारदापीठाधीश्वर जगत गुरू शंकराचार्य स्वरूपानंद महाराज ह मंगलवार के आयोजित प्रेस वार्ता म कहिन कि राम जन्मभूमि म ही मंदिर बन ही। इहां कभु मस्जीद नइ रिहिस हे, अउ न इहां कभु बाबर आय रिहिस हे। अउ त अउ इहां अजान घलो नइ होइस हे। अयोध्या म राम मंदिर के निरमान कोरट के फैसला आए के बाद ही होही। कांग्रेस, भाजपा अउ कोनो राजनीतिक पार्टी राम मंदिर नइ बना सकय। जब फैसला आही तब मंदिर कमेटी के लोगन मन राम मंदिर के निरमान करही। देश के शिक्षा के परनाली म बदलाव के जरूरत हे। पाठ्यक्रम म रामायण, महाभारत, गीता ल शामिल कर विद्यार्थी मन ल ये कर जानकारी देय जाना चाही।
