रायपुर के तहसीलदार ह एखर सेती हो गिस निलंबित

रायपुर । राज्य सासन ह रिश्वत मांगे के आरोप म रायपुर के  तहसीलदार सरिता मढारिया ल निलंबित कर दिस हे। निलंबन अवधि म उमन ल जिला कार्यालय म अटैच करे गिस हे।

राजस्व विभाग के सचिव एनके खाखा ह बताइस के  सरिता मढारिया दू महीना पहिली ही रायपुर पदस्थ म करे गे रिहिस हे।  एखर पहिली  दुर्ग जिला के अहिवारा तहसील म नायब तहसीलदार के पद पर पदस्थ रिहिस हे।

अहिवारा म पदस्थगी के दउरान ही उमन उपर फाइल मन ल  निपटाए बर  पइसा मांगे के आरोप लगिस हे।  बताय जात के  कोनो ह पइसा मांगत हुए उंखर वीडियो बनाय रिहिस हे।  अउ ए वीडियो संग राज्य शासन ल सिकायत भेज दीस।  मंगलवार के राजस्व विभाग  म उंखर प्रकरन  म निरनय लेवत हुए  उमन ल निलंबित करे के आदेस देय गिस ।