रायपुर । जिला म एक बार फेर पीलिया के प्रकोप आघू आइस हे। एक ही वार्ड के रहइया 12 ले जादा लोगन पीलिया ले प्रभावित हवय अउ इंखर संख्या आवइया बेरा म अउ बढ़ सकत हो। पीलिया ल लेके रायपुर नगर निगम सतर्क रहे के बात, त कहे जात हे के एमा अमल नइ कर जात हे।
दरअसल, पाइपलाइन टूटे के वजह ले पाछू कतको महिना ले फाफाडीह के साहूपारा इलाका म लोगन के घर म गंदा पानी आवत हवय। सबो पाइपलाइन नाली मन म धंसे हुए एखर वजह ले गंदा पानी के समस्या लगातार बने हवय।
कतको बेर सिकायत के बाद घलो एमा धियान नइ देय जात हे। वार्डवासी मन ह बताइन के इहां घलो सफाई के बेवस्था लचर हवय। कतको महिना ले इलाका म सफाई नइ करे जात हे। अउ सिकायत के बाद घलो रायपुर नगर निगम उदासीन हवय।
ए स्थिति सिरिफ साहूपारा के नइए। बल्कि रायपुर के 70% ले जादा पाइप लाइन म लीकेज अउ साफ सफाई म अनियमितता के सिकायत हे। अइसे म ए खतरा लगातार बने हुए हे। अवइया समय म राजधानी के बाकी इलाका म घलो पीलिया के मरीज बढ़ सकत हे।
गउरतलब हे के पाछू दिन मन म रायपुर के ही कापा इलाका म पीलिया के प्रकोप ए कदर फइलिस के हाईकोर्ट ह ए पूरा इलाका ल खाली करे के आदेस नगर निगम ल देय रहिस हे। कई लोगन के जान पीलिया के वजह ले गिस । एखर ले साफ जाहिर हे के रायपुर नगर निगम बुनियादी सुविधा मन ल देय के नाम म सिरिफ खानापूर्ति करत हवय।
Other Articles
Next
December 31, 2018