लाठीचारज भारी पड़गे एएसपी चंद्राकर ल…. रायपुर म अटैच करे गिस

रायपुर। छत्तीसगढ़ सासन के मंत्री अमर अग्रवाल के घर विरोध करे बर पहुंचे कांग्रेसी मन ऊपर लाठीचारज करइया बिलासपुर पुलिस के एडिशनल एसपी नीरज चंद्राकर ल भारी पड़गे। कांग्रेसी मन के प्रदेस भर म प्रदरसन के वजह ले राज्य सरकार ह लाठीचारज घटना म दंडाधिकारी जांच बिठाके एडिशनल एसपी नीरज चंद्राकर ल बिलासपुर ले हटाके मुख्यालय भेज दिस हे। छत्तीसगढ़ के सीएम डॉ रमन सिंह ह बिलासपुर लाठीचारज के मामला म कहिन के येकर जांच करवाय जाही अउ जे दोसी होही ओखर ऊपर कार्रवाई होही। उंखर आदेश म बिलासपुर कलेक्टर ह मजिस्ट्रेट जांच के आदेस दिस हे, लेकिन प्राथमिक तउर म एएसपी नीरज चंद्राकर ल जांच चलत तक बिलासपुर ले हटाके रायपुर भेज दिस गेहे।