विकास के दम म लहराबो जीत के परचम : मूणत

रायपुर। पश्चिम विधानसभा क्षेत्र के भारतीय जनता पार्टी के प्रत्यासी राजेश मूणत ह कहिन के भाजपा ह डॉ रमन सिंह के नेतृत्व म 15 बछर मन म छतीसगढ़ राज्य म जे विकास के कार्य करिस हे । वो  सर्वांगीण हे। केवल नाम के नइ। जो काम करेगे हे वो दिखत हे । सबके संग सबके विकास इहीं मूल मंत्र के संग हमन काम करे हन ।

नवां रायपुर जे ह श्रद्धेय अटल जी के नाम ले अटल नगर करे गिस हे, ए भाजपा शासन के विकास कार्य मन म मील के पत्थर हे जेला कोनो नकार नइ सकय । रहीस बात रायपुर पश्चिम म विकास कार्य मन के  त हमन वो कार्य करे हन, जेखर ले आवइया पीढ़ी घलो लाभ प्राप्त करही। लोगन के कल्पना ले परे विकास कार्य हमन पक्षिम म कराय हन। जनता के आशीर्वाद दे दिस हे।   विपक्ष केवल आरोप लगाय तक तक ही सीमित हे जबके जनता कार्य मन ल स्वीकारत आवत हे। अउ चउथी बार घलोक हमन जीतत हन, ना केवल रायपुर पश्चिम म हम बड़े जीत दर्ज करबो बल्कि ए बेर पहिली ले जादा सीट मन म विकास के दम म जीत के परचम फहराहो अउ रमन सिंह  ह चउथा बार छत्तीसगढ़ के मुख्यमंत्री बनाही। जेखर कुशल नेतृत्व म छत्तीसगढ़ ह विकास के कतको नवां आयाम स्थापित करिस हे, जेखर जिकर ना केवल राष्ट्रीय स्तर म बल्कि अन्तर राष्ट्रीय मंच मनम  घलो होथे।

राजेश मूणत ह कहिन के विपक्ष स्तरहीन राजनीति करत हे ए घलो अब साबित हो चुके हे । जे बेबुनियाद आरोप लगाके  सरकार ल कटघेरा म खड़ा करे के कोशिश करथे । पर जनता सब ल समझत हे, एखर सेती भारतीय जनता पार्टी उपर भरोसा करत हे अउ  हमन ल हमार द्वारा कराय गे विकास कार्य मन उपर भरोसा हे जे अब राजधानी रायपुर अउ छतीसगढ़ प्रदेस ल नवां पहिचान देवत हे। चुनाव प्रचार के दउरान लोगन मन ह जइसे प्यार अउ स्नेह  ले मोर अभिनंदन करिस, आशीर्वाद दिस ।  मैं  ह उणन ल सादर नमन करत हव।