वोरा अउ पुनिया ले करिस भूपेश  ह मुलाकात

रायपुर। मंत्रीमंडल के गठन  बर दिल्ली गे सीएम भूपेश बघेल ह कहिन के जल्द मंत्रीमंडल के गठन कर लिए जाही। उमन कहिन के राज्य म 15 फीसदी ल ही मंत्री बनाय जा सकत हे, जेखर जानकारी सबो ल हे।  एखर सेती गठन म ज्यादा परेशानी नइ होहीं ।

उमन कहिन के तमिलनाडु क्षेत्रफल के लिहाज ले छत्तीसगढ़ ले छोटा हवय, लेकिन उहां मंत्री मन के संख्या 38 हवय। छत्तीसगढ़ म घलो मंत्री मन के संख्या म इजाफा होना चाही। उमन हिन के ए संबंध म उमन प्रधानमंत्री नरेन्द्र मोदी ल पत्र लिखही।

सीएम ह कहिन के  अभु राष्ट्रीय अध्यक्ष बाहिर हवय, एखर सेती उंखर लउटत ही मंत्रीमंडल  बर चरचा करे जाही।  उमन कहिन के राज्य के बेहतरी ल धियान म रखत हुए मंत्रीमंडल के गठन होही। सीएम भूपेश बघेल गुरुवार संझा के दिल्ली बर  रवाना होइस हे। शुक्रवार बिहनिया  उमन मोतीलाल वोरा अउ छत्तीसगढ़ प्रभारी पीएल पुनिया ले मुलाकात करिन। ए दउरान उंखर राजनीतिक सलाहकार विनोद वर्मा अउ मीडिया सलाहकार रुचिर गर्ग घलो मवजूद रहिन।