शाह के भव्य स्वागत …रमन सिंह ह करिस उँखर अगवानी…बृजमोहन अउ धरमलाल घलो मवजूद

रायपुर। भाजपा के राष्ट्रीय अध्यक्छ अमित शाह छत्तीसगढ़ के एक दिवसीय दउरा म रायपुर पहुंचिस। माना एयरपोर्ट म अमित शाह के भव्य स्वागत करे गिस। मुख्यमंत्री रमन सिंह ह उंखर अगवानी करिन एयरपोरट म सीएम रमन सिंह के संग मंत्री बृजमोहन अग्रवाल अउ धरमलाल कौशिक घलो मवजूद हे। अमित शाह एयरपोर्ट ले सोझे धमतरी के सिहावा आश्रम म एक स्थानीय कारयकरम म शिरकत करही। येखर बाद अमित शाह कांकेर जिला के नरहरपुर पहुंचही। जिहां अमित शाह अटल विकास यात्रा म सामिल होंही। नरहरपुर म तेंदुपत्ता वितरन कारयकरम अउ सम्मेलन म सामिल होंही।
ये उंखर आंतरिक मामला हे : रमन
येती मीडिया ले बातचीत के दउरान रमन सिंह ह कांग्रेस नेतामन के दिल्ली बुलावा म कहिन के ये उंखर आंतरिक मामला हे। जे होइस ठीक नईए। उहें अमित शाह के दउरा म रमन बताइस के अमित शाह जब आथे, तब सबके सम्मान के धियान रखथे। येखर सेती सबो कारयकरम अइसने बनत हे।
अमित शाह चरौदा म आयोजित महिला सम्मेलन म घलो सामिल होंही। भिलाई के चरौदा स्थित दसहरा मइदान म होवइया सम्मेलन म एक लाख महिला मन के सामिल होय के अनुमान हे। महिला सम्मेलन म सामिल होके अमित शाह पार्टी के महिला कारयकरता मन ल प्रदेस म चउथा बार सरकार बने अउ मिसन 65 के लक्छ्य प्राप्त करे के गुरु मंत्र देंही।