अटल बिहारी वाजपेयी स्मृति सासकीय चिकित्सा महाबिद्यालय के नवा भवन के लोकारपन करिन रमन ह

राजनांदगांव। मुख्यमंत्री डॉ. रमन सिंह ह गुरुवार के राजनांदगांव म अटल बिहारी वाजपेयी स्मृति सासकीय चिकित्सा महाबिद्यालय के नवा भवन के लोकारपन करिस। पेण्ड्री म मेडिकल कालेज भवन के निर्मान 112 करोड़ रूपिया के लागत ले करे गिस हे। एकर निर्मान दिसम्बर 2016 म सुरू करे गे रहिस। जेला अटल बिहारी वाजपेयी सासकीय चिकित्सा महाबिद्यालय परिसर के विकास 372 करोड़ रूपिया के लागत ले करे जात हे। एमा ले 112 करोड़ रूपिया म मेडिकल कालेज के नवा भवन बनाए गिस हे। 4 मंजिला मेडिकल कालेज भवन के भूतल म एनाटामी बिभाग, बायोकेमेस्ट्री, डीन कार्यालय, स्टॉफ कक्ष अऊ प्रथम तल म लेक्चर हॉल, लाईब्रेरी अऊ कम्यूनिटी मेडिसीन बिभाग संचालित होही। द्वितीय तल म लेक्चर हॉल, लाइब्रेरी, पैथालॉजी बिभाग, फोरेंसिंक मेडिसीन बिभाग, अऊ तृतीय तल म लेक्चर हॉल, फार्माकोलॉजी अऊ माइक्रोबायोलाजी बिभाग बनाए गिस हे।