संझा 6 बजे तक प्रदेस म 71.93 फीसदी वोटिंग….अउ बढ़ सकत हे प्रतिसत

रायपुर । छत्तीसगढ़ मुख्य निर्वाचन पदाधिकारी सुब्रत साहू ह छत्तीसगढ़ विधानसभा के आम चुनाव 2018 बर मतदान कारय सांतिपूरवक अउ बिनो रूकावट के  सम्पन्न होय म  प्रदेशवासी मन ल  बधाई दीस हे। साहू  ह मंगलवार के कहिन के 12 नवम्बर के प्रथम चरन अउ आज 20 नवम्बर के द्वितीय चरन ल  मिलाके प्रदेस के सबो 90 विधानसभा निर्वाचन क्षेत्र मन बर मतदान के प्रक्रिया सुव्यवस्थित रूप ले पूरा कर ले गिस हे।

परिणाम 11 दिसम्बर के घोसित करे जाही। उमन मतदान के दूनों चरन मन  के सुचारू संचालन म सहयोगी बने सबो विभाग मन के सरकारी कर्मचारी मन अउ  अधिकारी मन, राज्य पुलिस अउ केन्द्रीय सुरक्छा बल मन के अधिकारी मन अउ जवान मन, सबो प्रत्यासी मन अउ  सबो दल मन समेत समस्त मतदाता मन के प्रति आभार प्रकट कर गिस हे।

मुख्य निर्वाचन पदाधिकारी ह सांतिपूरन अउ निष्पक्छ मतदान ल बढ़ावा देय बर  अउ निर्वाचन प्रक्रिया के सबो पहलु मन के जानकारी आम जनता तक पहुंचा म  मीडिया के भूमिका के घलो प्रसंसा करिस  हे अउ एखर  बर समस्त मीडिया संस्थान मन ल  मीडिया प्रतिनिधी मन ल धन्यवाद दिस हे।  मुख्य निर्वाचन पदाधिकारी साहू ने बताइस के  संझा 6 बजे के स्थिति म 71.93 प्रतिसत वोटिंग होइस  हे । अभु कतको जगा मन म मतदान प्रक्रिया चलत हे । वोटिंग के प्रतिसत अउ बढ़ेय के अनुमान लगाइस गेहे है।