सांइस कालेज म तीन भव्य मंच के निरमान……  मुख्य सचिव अउ कलेक्टर ह लिन जायजा

रायपुर। साइंस कॉलेज मइदान म नवां मुख्यमंत्री के सपथ ग्रहन के तइयारी  अंतिम चरन म हे। इहां तीन भव्य मंच के निरमान  करे जात हे। मंच के कार्य अंतिम चरन म हवय। मुख्य सचिव अउ कलेक्टर ह तइयारी मन के जायजा लिन अउ  अधिकारी मन ल जुम्मेदारी सउपिन।

समारोह ल यादगार बनाए बर प्रसासन के संग पार्टी के कार्यकर्ता जुटे हवय। इहां भव्य मंच के निरमान करे जात हे। इंतजाम बर आउट के नक्शा  घलो जारी कर देय गेहे। एखर हिसाब ले मइदान म बेवस्था करे के दिसा-निरदेस कलेक्टर डॉ. बसवराज ह मातहत मन दिन।

समारोह बर तीन मंच के निरमान चलत हवय। एमा  बीच के मंच म सपथ ग्रहन होही। एक मंच म अति विशिष्ट आमंत्रित अतिथि मन  ल बइठाए जाही।  दूसर कोती के मंच म नव निर्वाचित विधायक मन ह बइठही। एखर अलावा विसिष्ट अतिथि मन , मीडिया प्रतिनिधि मन अउ आमजन के बइठे बर अलग सेक्टर बनाए जात हे।