सासन के योजना मन के लाभ समाज के अंतिम पंक्ति के व्यक्ति तक पहुंचाना हमार लक्छ हे : रमन

बिलासपुर। मुख्यमंत्री डॉ रमन सिंह ह कहिन के राज्य सासन के योजना मन के लाभ समाज के अंतिम पंक्ति के व्यक्ति तक पहुंचाना हमार लक्छय हे। डॉ. सिंह आज बिलासपुर जिला के बेलतरा म अटल विकास यात्रा के अंतरगत आयोजित आमसभा ल संबोधित करत रहिस हे। उमन के कहिना हे के नीयत अउ नीति साफ होय त बड़ ले बड़ लक्छय प्राप्त करे जा सकत हे।
उमन कहिना के बिलासपुर जिला प्रधानमंत्री उज्ज्वला योजना म रसोई गैस कनेक्सन वितरन म राज्य म सबले आघू हे। इहां एक लाख 80 हजार ले अधिक महिलामन ल गैस कनेक्सन मिल चुके हे, जे राज्य म सर्वाधिक हे। मुख्यमंत्री डॉ रमन सिंह ह ये अवसर म बेलतरा उप तहसील ल पूरा तहसील के दरजा देय के बेलतरा म पुलिस चौकी के स्वीकृति घोसना करिस।
बेलतरा म आयोजित अटल विकास यात्रा म मुख्यमंत्री ह 88 करोड़ 49 लाख के 49 कार्यमन के लोकारपन अउ भूमि पूजन करिस हे। जेमा प्रमुख रूप ले भूमि पूजन करे कार्य मन म बिलासपुर विश्वविद्यालय भवन निरमना, सासकीय इंजीनियरिंग महाविद्यालय बिलासपुर म ऑडिटोरियम भवन, सेंदरी मुख्य मारग ले रमतला होत हुये मोपका बाईपास सामिल हे।
मुख्यमंत्री द्वारा करे लोकारपन कार्य म प्रमुख रूप ले बिलासपुर म नवीन शासकीय पॉलिटेक्निक भवन के निरमान, कोनी बिरकोना मारग, बसंत विहार चउक बिलासपुर ले बहतराई मारग सामिल हे। मुख्यमंत्री ह 206 हितग्राही मन ल विभिन्न सासकीय योजना मन म उज्ज्वल गैस कनेक्सन, स्मार्ट फोन, आयुष्मान कार्ड, चरण पादुका, टिफिन, सौर सुजला योजना म सिंचाई सोलर पंप वितरित करिस।