सिंहदेव के पलटवार …..सराब पीयत रहिते तो संग म बइठ होतेन

रायपुर। कुछु दिन पहिली पेंड्रा प्रवास म सीएम ह एक सवाल के जवाब म कहे रहिस हेकि नेता प्रतिपक्ष ल सराब ले आपत्ति हे, तो पिये बर पीना छोड़ दें। उंखर ये बयानम सिंहदेव ह प्रतिक्रिया दीस हे। रमन सिंह के सराब छोड़े के सलाह म उमन ह सायराना अंदाज म जवाब देत हुए कहिन कि सीएम ल अपन विरोधी मन के बारे म अतका भी जानकारी नइए। अगर सराब पीयत रहिते तो संग बइठ होतेन । सिंहदेव ह ट्वीट म लिखे हे कि उमर भर ग़ालिब ये ही भूल करत रहिन, धूल चेहरा म रहिस अउ आइना साफ करत रहिस।” छत्तीसगढ़ म सराब ल लेके सरकार विपक्ष के निसाना म हे। एक साल ले शराब म ठेकेदारी प्रथा खत्म कर देगे अउ सरकार खुद सराब दुकान मन के संचालन करत हे। येखर बाद ले सराब एक सियासी मुद्दा बन गेहे।