जादा बिजली बिल ले तनावग्रस्त किसान खाइस जहर

अम्बिकापुर । करजा के बार-बार मिले नोटिस के बीच म एकाएक मिले 15 हजार रुपिया ले जादा के बिजली बिल ले तनावग्रस्त किसान ह जहर खाके जान दे दीस। कइथे कि करजा के तनाव म वो ह शराब के आदी हो गिस रिहिस हे। लेकिन जहर खाके जान देवय्या किसान के मउत के बाद भी करजा ले पीछा नइ छूटय। अब किसान के इकलौता लइका के उपर बैंक के करजा के अदायगी के जुम्मेदारी आ गेहे।
अम्बिकापुर शहर के तीर के गांव खलिबा के रहय्या मुन्ना राम रविवार के दिन मिशन अस्पताल अंबिकापुर म मउत हो गिस हे। कीटनाशक खाय के बाद गंभीर हालत म शनिवार के सुबह परिवार वाले ओला अस्पताल म दाखिल कराय रिहिन हे। मुन्ना राम के मउत के पीछु दुधारू पशु बर 10 बरस पूरव ले 82 हजार रुपिया के करजा के अदायगी ल मुख्य वजह बताए जात हे। एती छत्तीसगढ़ राज्य ग्रामीण बैंक के फुन्दुरडिहारी शाखा प्रबंधक ह बताइन कि किसान उपर 82 हजार रुपिया के ऋण हे। वसूली बर जारी नोटिस जारी सामान्य प्रक्रिया हे । बैंक ले करजा लेय के बाद समय सीमा म जेमन रुपिया जमा नइ करय ओला नोटिस जारी करे जात हे। इहू मामला म येही प्रक्रिया अपनाये गिस हे। ‌वइसे बैंकिंग नियम मन म जेमन करजा ले हे अगर ओखर मउत हो जात हे तो परिवार म ही करजा रासि सिफ्ट हो जात हे