सीडीकांड में भाजपा के लोग ही शामिल : पुनिया

रायपुर। छत्तीसगढ़ प्रदेश कांग्रेस प्रभारी पीएल पुनिया ह बुधवार के प्रेस कॉन्फ्रेंस लेके भाजपा सरकार उपर जमके निशाना साधिस हे। उमन कहिन के कथित सेक्स सीडी बनवाय के काम मंत्री मन के आपसी गुटबाजी के परिनाम हे अउ इला बनावइया घलो बीजेपी के ही हव। जे मुकदमा के आधार म प्रकाश बजाज ह मामला दरज करावाइस हे, ओला सीबीआई ह फरजी एफआईआर कहे हे।
पुनिया कहिन के सीडीकांड म भाजपा के लोग मन ही सामिल हे। लिहाजा उमन ल बचाय बर सीबीआई के इस्तेमाल सरकार ह करिस हे। सरकार के मुताबिक जांच होइस हे। येमा कुछु अन्य आरोपी मन ल बचाय के कोसिस अउ कांग्रेस नेता ल फंसाय के साजिस हे। पुनिया ये बयान सीडीकांड के मुख्य आरोपी कैलाश मुरारका के बयान के बाद दिस हे।
पत्रकार मन ले चरता करते हुए कांग्रेस प्रभारी पीएल पुनिया ह कथित सेक्स सीडीकांड मामला म जेल म बंद भूपेश बघेल ले अनुरोध करिस हे के बघेल जेल ले बाहिर आके प्रदेस कांग्रेस के नेतृत्व करय। उमन कहिन के रमन सरकार ले कांग्रेस पार्टी डरइया नए। कांग्रेस अइसे फर्जी आरोप मन अउ साजिस मन के खेलाफ डटके मुकाबला करही। कांग्रेस के सबो नेता अउ कारयकरता चाहत हे के भूपेश बघेल जल्द जेल ले बाहर आ के सरकार के खेलाफ हल्ला बोलय अउ भ्रष्टाचार के खेलाफ, फरजीवाड़ा के खेलाफ जारी लड़ाई के नेतृत्व करय। दरअसल कैलाश मुरारका ह कोरट म मीडिया के सवाल मन के जवाब देवत हुए कहिन के भूपेश बघेल सीडीकांड म निरदोस हे, ओखर उपर लगे आरोप बेबुनियाद हे।