सोसल मीडिया के निसाना म घलो आ गए भूपेश ह

रायपुर। छत्तीसगढ़ के नवां मुख्यमंत्री बने के बाद भूपेश बघेल न सिरिफ विपक्ष बल्कि सोसल मीडिया के निसाना म घलोक आ गे। सीएम भूपेश बघेल के एक फोटो सोसल मीडिया म वायरल होवत हे। आलोचक मन के कहिना हे के भूपेश बघेल ए फोटो म शराब के संग दिखत हे। फोटो के वायरल होय के बाद कांग्रेस कार्यकर्ता मन  ह पुलिस ले  सिकायत करिन हे।

कांग्रेस ह आरोप लगाए हे के मुख्यमंत्री भूपेश बघेल के छवि खराब करे बर ए फोटो सोसल मीडिया म वायरल करे जात हे।  कांग्रेस ह कहिन के ए  फोटो म भूपेश बघेल ग्रीन-टी पीवत हे। लेकिन एला शराब कहि के जबरन सोसल मीडिया म वायरल कर जात हे। कांग्रेस कार्यकर्ता मन ह ए मामला म  लिखित शिकायत दुर्ग एसपी  ले करे हे।