नवनीत शुक्ला, मुंगेली। मेहनत अउ लगन के आगू सब ल झुके बर पड़थे। ये बात ल पाछु के 7 बछर ले दिखात आय हे सन राइज क्रिकेट सोसायटी के संचालक अउ कोच जलेश यादव ह। आज मुंगेली म जलेश के लगन अउ मेहनत ले लइका मन मुंगेली म ही नइ दूसर राज्य म तक खेले बर जाथे । कुछु दिन पहिली होनहार बेटी मन उज्जैन म अपन खेल के हुनर दिखाइन । अभु 10 बेटी के चयन भिलाई बर होये हे । भिलाई म बने खेले के बाद उंखर चयन छत्तीसगढ़ राज्य टीम बर होही, जिहां ले उमन ल दूसर राज्य म प्रदेस के नाव उच करे के मउवका मिलही । बेटी मन के संग म अब 2 बेटा मन के चयन छत्तीसगढ़ टेनिस बाल क्रिकेट बर होये हे । जेन मन राजस्थान के अजमेर म अपन खेल दिखाही ।
आज सोचे के बात ये हे कि अपन नानकुन चाय ठेला के दम म अतका महंगा खेल के सपना देखइया अउ लइका मन ल तियार करना अपन आप म बड़ बात हे । एखर बर न तव खेल बेभाग ह कोनो मदद करिस अउ न कोनो मन ह मदद बर आघू आके जलेश ले मिलिस ।बहुत पहिली हमर बिधायक ह कुछु मदद करे रहिस । आज खेल के प्रति जेन उत्साह दिखना चाही न वो बिभाग दिखाथे न कोनो संस्था । जेखर कारन जिला म खिलाड़ी मन के कमी हे । आज अगर जलेश ल बिभाग अउ प्रदेस सरकार कोति ले कुछु मदद मिलहि तव वो ह जिला के नाम अउ रोसन कर सकत हे।
Related Posts
नवनीत शुक्ला, मुंगेली। मेहनत अउ लगन के आगू सब ल झुके बर पड़थे। ये बात ल पाछु के 7 बछर ले दिखात आय हे सन राइज क्रिकेट सोसायटी के संचालक अउ कोच जलेश यादव ह। आज मुंगेली म जलेश के लगन अउ मेहनत ले लइका मन मुंगेली म ही नइ दूसर राज्य म तक खेले बर जाथे । कुछु दिन पहिली होनहार बेटी मन उज्जैन म अपन खेल के हुनर दिखाइन । अभु 10 बेटी के चयन भिलाई बर होये हे । भिलाई म बने खेले के बाद उंखर चयन छत्तीसगढ़ राज्य टीम बर होही, जिहां ले उमन ल दूसर राज्य म प्रदेस के नाव उच करे के मउवका मिलही । बेटी मन के संग म अब 2 बेटा मन के चयन छत्तीसगढ़ टेनिस बाल क्रिकेट बर होये हे । जेन मन राजस्थान के अजमेर म अपन खेल दिखाही ।
आज सोचे के बात ये हे कि अपन नानकुन चाय ठेला के दम म अतका महंगा खेल के सपना देखइया अउ लइका मन ल तियार करना अपन आप म बड़ बात हे । एखर बर न तव खेल बेभाग ह कोनो मदद करिस अउ न कोनो मन ह मदद बर आघू आके जलेश ले मिलिस ।बहुत पहिली हमर बिधायक ह कुछु मदद करे रहिस । आज खेल के प्रति जेन उत्साह दिखना चाही न वो बिभाग दिखाथे न कोनो संस्था । जेखर कारन जिला म खिलाड़ी मन के कमी हे । आज अगर जलेश ल बिभाग अउ प्रदेस सरकार कोति ले कुछु मदद मिलहि तव वो ह जिला के नाम अउ रोसन कर सकत हे।