जय जोहार…. देश म कोरोना (Corona) संक्रमण के मामला ह कम होय के नाव नई लेवत हे। देश म 24 घंटा म कोरोना के 1 लाख 15 हजार ले जादा नवा मामला सामने आय हे। उहचे 59856 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 630 संक्रमित के मौत हो गे हे।
केंद्रीय स्वास्थ्य मंत्रालय से जारी आंकड़ा के मुताबिक देश म बीते 24 घंटा म कोरोना (Corona) के 1 लाख 15 हजार 736 नवा मामला मिले हे। एला मिला के कोरोना संक्रमण के मामला ह बाढ़ के 1 करोड़ 28 लाख 01 हजार 785 हो गे हे। जेमा ले 8 लाख 43 हजार 473 एक्टिव मामला हे।
उहचे 1 करोड़ 17 लाख 92 हजार 135 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 66 हजार 177 संक्रमित मन के जान चले गे हे।
No Comment! Be the first one.