Corona: देश म 24 घंटा म कोरोना के 1.45 लाख ले जादा नवा मरीज के पहचान, पढ़व
जय जोहार…. (Corona) देश म कोरोना संक्रमण के मामला ह सरलघा बाढ़त जावत हे। देश म 24 घंटा म कोरोना के 1.45 लाख ले जादा नवा मामला के पहचान होय हे। उहचे 77567 मरीज मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 794 संक्रमित के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 1 लाख 45 हजार 384 नवा मरीज मिले हे। एला मिला के कोरोना संक्रमित मन के संख्या ह 1 करोड़ 32 लाख 05 हजार 926 हो गे हे। जेमा ले 10 लाख 46 हजार 631 एक्टिव मामला हे।
उहचे 1 करोड़ 19 लाख 90 हजार 859 मरीज मन ह कोरोना (Corona) ले जंग जीत गे हे। जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 68 हजार 436 मरीज के मौत हो गे हे।
