Bijapur District म 10 दिन बर काली ले लगइया हे लाकडाउन, पढ़व
जय जोहार…. बीजापुर जिला (Bijapur District) म 16 अप्रैल ले 10 दिन बर लाकडाउन लगइया हे। जिला के सबो सीमा ल सील करे के आदेश दे गे हे। ए दौरान मेडिकल दुकान ल छोड़ के सबो दुकान ह बन्द रही।
मिले जानकारी के मुताबिक काली संझा 6 बजे ले बीजापुर जिला (Bijapur District) ह पूरा लाकडाउन हो जाही, जेन 26 अप्रैल के बिहनिया 6 बजे तक प्रभावी होही। ए दौरान दूध के वितरण अउ बिक्री बर बिहनिया 6 ले 8 बजे अउ संझा 5 ले 7 बजे तक के बेरा तय करे गे हे। (Bijapur District) अति आवश्यक सेवा ल छोड़ के सबो गतिविधि म रोक लगा दे जाही।
एखर पहिले छत्तीसगढ़ के दुर्ग जिला म पहला लाकडाउन लगे रिहिन, जेला देखत हुये एक के बाद एक प्रदेश के कई जिला म लाकडाउन हो चुके हे। प्रदेश म सबले लंबा लाकडाउन धमतरी जिला म लगे हे, जिहां 15 दिन बर सबो तरह के गतिविधि ल रोक दे गे हे।
