जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। आज बस्तर जिला म कोरोना के 10 नवा मरीज मिले हे।
एमा ले जगदलपुर विकासखण्ड के आड़ावाल सेन्टर ले 9 अउ तोकापाल विकासखण्ड के रायकोट क्वारेंटाइन सेन्टर ले एक मरीज शामिल हे।
बता देन कि आज प्रदेश म कोरोना (corona) के 255 नवा मरीज ह मिले हैं, ओमा रायपुर ले 114, कबीरधाम ले 34, कांकेर ले 20, राजनांदगांव ले 17, मुंगेली ले 16, जांजगीर-चांपा ले 12, बिलासपुर ले 6, दुर्ग ले 5, नारायणपुर अउ गरियाबंद ले 4-4, कोरिया ले 3, जशपुर ले 2, बालोद, धमतरी, बलौदाबाजार, महासमुंद, सरगुजा, कोण्डागांव, दंतेवाड़ा अउ बीजापुर ले 1-1 मरीज शामिल हे।
आज मिले सबो पाजिटिव मरीज मन ल कोविड अस्पताल म भर्ती करे के प्रक्रिया ह चलत हे। प्रदेश में कोरोना (corona) मरीज मन के कुल संख्या ह 6254 पहुंच गे हे। जेमा ले सक्रिय मामला ह 1847 हे।
उहचे 4377 मरीज मन ह कोरोना ले जंग जीत गे हे, जेखर बाद ओ मन ल अलग-अलग कोविड अस्पताल ले छुट्टी दे दे गे हे। ए वायरस ले प्रदेश म अब तक 30 लोगन मन के मौत हो गे हे।
