corona: प्रदेश म फेर होइस कोरोना के 255 नवा मरीज मन के पुष्टि, रायपुर म सबले जादा 114 पाजिटिव

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश म आज कोरोना के 255 नवा मरीज के पहचान होय हे।

जेमा सबले जादा 114 मरीज ह राजधानी रायपुर ले मिले हे। ऊहचे 147 मरीज मन ल बने होय के बाद अलग-अलग कोविड अस्पताल ले छुट्‌टी दे दे गे हे। जबकि एक कोरोना मरीज के मौत हो गे हे।

आज जेन कोरोना (corona) के 255 नवा मरीज ह मिले हैं, ओमा रायपुर ले 114, कबीरधाम ले 34, कांकेर ले 20, राजनांदगांव ले 17, मुंगेली ले 16, जांजगीर-चांपा ले 12, बस्तर ले 10, बिलासपुर ले 6, दुर्ग ले 5, नारायणपुर अउ गरियाबंद ले 4-4, कोरिया ले 3, जशपुर ले 2, बालोद, धमतरी, बलौदाबाजार, महासमुंद, सरगुजा, कोण्डागांव, दंतेवाड़ा अउ बीजापुर ले 1-1 मरीज शामिल हे।

आज मिले सबो पाजिटिव मरीज मन ल कोविड अस्पताल म भर्ती करे के प्रक्रिया ह चलत हे। बता देन कि प्रदेश में कोरोना (corona) मरीज मन के कुल संख्या ह 6254 पहुंच गे हे।

जेमा ले सक्रिय मामला ह 1847 हे। उहचे 4377 मरीज मन ह कोरोना ले जंग जीत गे हे, जेखर बाद ओ मन ल अलग-अलग कोविड अस्पताल ले छुट्‌टी दे दे गे हे। ए वायरस ले प्रदेश म अब तक 30 लोगन मन के मौत हो गे हे।