corona : देस म पिछले 24 घंटा म सामने आय हे कोरोना के 10 हजार ले जादा नवा मरीज, पढ़व

जय जोहार…. देस म पिछले 24 घंटा म कोरोना (corona ) के 10 हजार ले जादा नवा मरीज सामने आय हे। उहें 23 हजार 540 मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 254 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घंटा म कोरोना (corona ) के 10 हजार 565 नवा मामला मिले हे। एला मिलाके देस म कोरोना मरीज मन के संख्या ह 4 करोड़ 29 लाख 04 हजार 880 हो गेहे। जेमा ले 1 लाख 13 हजार 340 एक्टिव मामला हे।

उहें 4 करोड़ 22 लाख 60 हजार 113 मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 5 लाख 13 हजार 480 मरीज के मउत होगे हे।