chhattisgarh : कृषि म गोमूत्र के वैज्ञानिक अउ व्यवस्थित उपयोग के कार्ययोजना ल करे तैयार- सीएम

जय जोहार। छत्तीसगढ़ (chhattisgarh) म अब कृषि के क्षेत्र म गोमूत्र के वैज्ञानिक अउ व्यवस्थित उपयोग ल बढ़ावा दे जाही। राज्य म वर्मी कंपोस्ट अउ सुपर कंपोस्ट के खेती म बड़का पैमाना म उपयोग अउ एखर सकारात्मक परिणाम ल देखत हुये गोमूत्र ल रासायनिक खाद अउ विषैले कीटनाशक के विकल्प के रूप म देखे जावत हे।

मुख्यमंत्री भूपेश बघेल ह ऑर्गेनिक अउ रिजेनरेटिव खेती के ओर तेजी ले आघू बाढ़त छत्तीसगढ़ म कृषि के क्षेत्र म गोमूत्र के वैज्ञानिक अउ व्यवस्थित उपयोग के काम योजना ल तैयार करे ल केहे हे । (chhattisgarh) मुख्यमंत्री श्री बघेल ह मुख्य सचिव ल कृषि वैज्ञानिक, गोमूत्र के रासायनिक खाद अउ कीटनाशक के बदले उपयोग करइया कृषक अउ कामधेनु विश्वविद्यालय के विशेषज्ञ ले चर्चा कर गोमूत्र के वैज्ञानिक उपयोग के संभावना के संबंध म कार्ययोजना तैयार कर दो ठीन सप्ताह म प्रस्तुत करे के निर्देस देहे ।

मुख्यमंत्री ह किहीन कि रासायनिक खाद अउ विषैले कीटनाशक के सरलग प्रयोग ले मिट्टी के उर्वरा शक्ति निरंतर कम होवत जावत हे । (chhattisgarh) खेती म रसायन के जादा उपयोग ले जन सामान्य के स्वास्थ्य म घलो विपरीत प्रभाव पड़त हे । राज्य के गौठान म निर्मित वर्मी कम्पोस्ट अउ सुपर कम्पोस्ट का उपयोग आरंभ करे के सकारात्मक परिणाम सामने आय हैं। छत्तीसगढ़ ऑर्गेनिक अउ रिजनरेटिव खेती की ओर आघू बाढ़त हे ।