dhamtari जिला म होय हे कोरोना के 100 नवा मरीज के पहचान, 82 मरीज होइस डिस्चार्ज

जय जोहार…. धमतरी (dhamtari) जिला म सनिच्चर के कोरोना के 100 नवा मरीज मिले हे। उहचे 82 मरीज मन ल बने होय के बाद अस्पताल ले डिस्चार्ज कर दे गे हे। जबकि 1 संक्रमित के मौत हो गे हे।
जिला स्वास्थ्य समिति धमतरी (dhamtari) ले जारी आंकड़ा के मुताबिक आज कुरुद ब्लाक ले 33, धमतरी शहरी ले 29, गुजरा ले 22, मगरलोड ब्लाक ले 11 अऊ नगरी ब्लाक ले 5 मरीज मन के पहचान होय हे।
बता दन कि धमतरी (dhamtari) जिला म कोरोना संक्रमण का मामला ह बाढ़ के 3239 पहुंच गे हे। जेमा ले 639 एक्टिव मामला हे। उहचे 2547 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला म अब तक 53 लोगन मन के मौत हो गे हे।